وصفة ليكراب لي راها دايرة حالة ساهلة ماهلة ومقرمشة
حابة وصفة ليكراب ساهلة و خفيفة ، ارواحي نمدلك وصفتي لي جامي نبدلها في مطبخي. مقرمشة و رقيقة كما يحب الخاطر.
المكونات كالتالي:
زوج بيضات ، مغرف لافاني، كاس حليب ، ربع كاس سكر، مغرف زيت، رشة ملح، كاس ونص فرينة.
طريقة التحضير كالتالي:
باش تحضير وصفة ليكراب مقرمة افصلي البياض عن الصفار، واذا تحبيهم عاديين ماديريش هاذ الخطوة.
بعد ماتفصلي البياض عن الصفار طلعي البيضا بالباتار حتى يولي ناج اي مقدثل الثلج.
ومن جهة اخرى خلطي صفار مع السكر مليح حتان يذوب السكر، ثم اضيفي الحليب ومغيرفة الزيت، لافاني وخلطي مليح.
بعدها اضيفي الفرينة وخلطيها مليح حتى يولي الخليط تاعك متجانس بدون حبيبات.
في الأخير ضيفي بياض البيض بالتدريج وقلبي بالسباتيلا كن فوق لتحت باش مايهبطش البياض.
ادهني مقلاة ليكراب وهطي كمية من الخليط ومشيه مليح سواء بالالة الخاصة بالكريب او بالسباتيلا.
كل حبة غطيها بالشوكولا وقطعي حبات موز وحطي شرائح ونتي وذوقك، والف صحة وهنا.
